الجزء السادس الاعمده وحوائط القص والكور

السلام عليكم ..........


اليكم الجزء السادس من كتاب ملخص اعمال التنفيذ
الاعمده وحوائط القص والكور

الرابط

http://www.m5zn.com/d/?15998599



مهندس // مصطفى عبد السميع 

معلومه مهمه فى تحديد حدود الحفر للموقع

اهميه طبقه الاحلال

مهندس مصطفى عبد السميع

شرح خوازيق الحفر الدوار مهندس mostafa abdelsame3

شرح خوازيق الحفر الدوار مهندس مصطفى عبد السميع

انواع الخوازيق

1-      خازوق عامل او قلب وهو الذى ينقل حمل المبنى من سطح الارض الى تربه التاسيس الصالحه

2-      خازوق سند جوانب الحفر وده تكلمنا عنه

طب الخازوق العامل له نوعين

1-      ارتكاز وهو الذى يصل بحمل المنشاء او الى تربه التاسيس الصالحه ومعظم الشغل عليه

-2- احتكاك  لا يصل الى تربه التاسيس الصالحه ويستعمل عندما يكون حمل المبنى صغير

من طرق عمل الخوازيق الطريقه الميكانيكيه منها ماكينه CFA

ومنها ما كينه الحفر الدوار

الطريقه التانيه اليدويه

الثالثه نص ميانيكيه

الطريقه التانيه والثالثه فى المواقع الصغيره جدا

اما الاولى بتكون للمواقع الكبيره والحفر الدوار للكبارى فى الغالب لانها تستطيع الوصول الى اعماق تتعدى 39 متر وممكن توصل 48 متر

فانا هشرح النهارده طريقه الحفر الدوار

شرح خوازيق الحفر الدوار

انا نزلت فى كوبرى سندوب بفضل الله السنادى وحبيت اقدم لكم صوره واضحه عن الخوازيق وارجو ان اكون موفق

اولا عمليه تاكيس الخازوق

المساح بيحدد نقطه معينه وبدق سيخ مكانها لان ده مركز الخازوق فبيجى المهندس بيقيس منها فى اتجاه 2 متر والاتجاه الاخر 2 متر بحيت لو وصلتهم بالمركز وعملت وتر يكون مثلث يكون الناتج 2.83 متر يبقى كده قياسى تمام

يتم الحفر بالباكت الاسطوانى عمق مثلا 3 متر وبعد كده بنزل الفورمه مع العلم انى لو هعمل خازوق 1 متر بيكون الفورمه 1.10 فبيكون نص قطرها 55. اى لازم لما اقيس من النقطه الى على بعد 2 متر الى الفورمه يكون المسافه 1.45 من النقطتين يبقى ده انا ثبت الفورمه صح والخازوق مفيش فيه ترحيل

و اول ما اثبت الفورمه ابدا احط سائل البنتونيت لسند جوانب الحفر وطبعا سبب انى حطيت الفورمه فى الاول هى لان طبيعه الارض مبتكونش متماسكه فى الاول فبسندها بالفورمه ويتم استكمال الحفر الى العمق المطلوب

طيب ازاى هعرف منسوب حفرى او انا حفرت قد ايه

بص يا باشا بنجيب حبل او سلبه طويله وبقيس من اولها تقريبا 4 متر واعمل عقده واقيس انى 4 متر واعمل عقده وهكذا لحد مخلص الحبل واربط فيه ثقل حديدى وارميه فى الحفره الى بحفرها اوطلعه واشوف الجزى الى اتبل قد ايه واقيسه او بيتعرف بالنظر لانى عامل عقده كل 4 متر فبيكون سهل اعرف انا فين

وبعض الكتب بيقولك بيرمى شريط فيه ثقل

بس الى شوفته امام عينى حبل

بعد كده عمليه التسليح

مكونات التقفيصه

1-      اسياخ راسيه  وهى التى تستخدم فى التسليح ويحدد قطرها حسب التصميم او الحمل الى واقع عليها

2-      الطوق  عباره عن سيخ على شكل نص دائره تقوم بمسك اسياخ التسليح  او ربطها لتحمل الاحمال الواقعه

ويكون بقطر 16 ميلى 

3-      كانات حلزونيه

كانات على شكل حلزونى يتم لف تقفيصه الحديد بها كامله

بياتى الى التقفيصات على حسب اللوحه اول حاجه بنزل الزومبه بتكون اقل طولا وليكم 6.90 متر لان طول السيخ 12 متر فاول ملاقى حديد او تقفيصه صغيره تعرف انى دى هتحط فى القاع يعنى اول حاجه هتنزل

وطبعا كل ما اقترب من الارض وفى الغال الكثير اول تقفيصه بتلاقيها المسافه بين الاسياخ 10 سم  اى بذود حديد

اما الباقى بيكون المسافه بين الاسياخ 15 سم

 لو خازوق واحد متر مثلا فبنزلها بالونش واسيب اول متر ونص فيها ظاهر  لحد تانى طوق واكسر اول طوق والحم الزومبه بالتقفيصه الجديده وهكذا طبعا بثبت التقفيصه بانى بحط سيخ بالعرض يعنى التقفيصه نازله  وعندى الزومبه مثلا ظاهر منها متر ونص او على حسب لحد تانى طوق فالزومبه دى طبعا نازله راسى بحط سيخ افقى اى الونش وهو بينزل اول تقفيصه الى هى الزومبه بحط تحت تانى طول سيخ بالعرض بيسند على الارض عشان التقفيصه تثبت عما الحم التانيه فيها وانزل واعمل نفس الحكايه  عشان تثبت على الارض

وابدا عمليه اللحم

بعد كده عمليه الصب

بعمل طبليه الاول عشان اتحكم فى عمود الصب وبيكون مواسير باطوال معينه تربط فى بعضها عن طريق مفتاح وبنحط شحم قبل مندخل المواسير فى بعض

وتناهى بقمع يسمى يانش

لحسان كميه الخرسانه المطلوبه

مثلا خازوق متر فيكون ط * نق *نق * الارتفاع

3.14 *55. *.55 * الارتفاع = الناتج وطلب على حسبه

اول ما عربيات الخرسانه تاتى لازم اشوف الخرسانه الاول اى بنزل شويه منها على الارض واشوفهم هل لدنه يبقى تمام

طب لو غير لدنه بحطلها اضافات سيكا منت 2004 تقريبا وبيكون شكله على شكل العسل الاسمر

ابدا عمليه الصب 

لازم ماسوره الصب تكون مغموره فى الخرسانه من 2الى 3 متر عشان الخرسانه متنفصلش عن بعض ويدخل بنها طينه اوماء بطين ببنتونيت

طول ما الميه بتطلع كده كويس ومعملش فاصل  يعنى اثناء الصب هتلاقلا المياه بتطلع من الحفره وبتكون كثيره جدا مياه بطينه ببنتونيت لان طول منا بحفر سائل البنتونيت شغالى سكبه فى الحفره اضافه لو فيه مياه جوفيه كمان وده اكيد فتخيل بقا انتا شكل المياه دى قد ايه وخطوصا لو خازوق 39 متر ولا حاجه فلازم اكون عامل مجرى لاقرب مان تصريف مياه عشان معطلش الطريق لو جنبى

المهم بعد كده اثناء الصب برمى جسه او حبل بثقل واعرف انا فين واقوله مثلا فك ماسوره هكذا

طبعا مواسير الصب بتتكون من عده مواسير انا بربطها بمفتاح  برط بيون بجنزير ولازم اشحمها قبل ما اربطها

فتتابع عمليه الصب لحد ما يحدث فوران للخازوق يعنى تلاقى الخرسانه طلعت مع الروبه وخلصت خلاص معدش روبه وبتلاقى الخرسانه هى الى بتطلع وفارت منك بره فكده تمام

محاضره عن اللبشه للمهندس Mohmmad Asaad El Meniawy

محاضره عن اللبشه للمهندس 

 Mohmmad Asaad El Meniawy

أولا : مجالات الاستخدام :

- تستخدم في الحالات التي يكون فيها احتمال تربة الأرض ضعيفاً جداً حيث يؤدي استخدام الأساسات المنفردة أو الخطية الى هبوطات كبيرة نسبيا تؤثر على عناصر المنشأة ، و لذلك يكون مطلوبا الحد من الهبوط الكلي للأساسات أو الهبوط التفاضلي لها .

- عندما تكون الأحمال كبيرة و تحمل التربة المسموح صغيرا بحيث ان مجموع المساحات اللزمة للأساسات المنفردة و الشريطية و المشتركة يعطي أكثر من ثلثي رقعة المبنى أو المنشأة ، بالتالي فان تحويل هذه الأساسات الجزئية الى حصيرة عامة يخفض من الاجهادات المطبقة على التربة و يزيد في تحملها .

- عندما تكون التربة في موقع العقار غير متجانسة على كامل المساحة أي ان طبقات التربة غير مستقرة أي بها أجزاء بها كتل صخرية او أجزاء طرية جدا أو أجزاء بها فراغات جزئية و لا يمكن تتبع توضعها بشكل دقيق بالتالي تستخدم الحصيرة في هذه الحالات لتكون بمثابة جسر ممتد فوق الفجوات الصغيرة و لتخفيف الهبوطات النسبية الناتجة عن عدم تجانس التربة .

- عند وجود مياه جوفية أو سطحية أعلى من منسوب أرضية المبنى و عندما يكون المبنى قريبا من البحر.

- في كثير من المنشات الخاصة حيث يفرض شكلها ان تكون الحصيرة هي الحل الطبيعي لأساساتها مثل الصوامع و خزانات المياه ذات الجدار الاسطواني الحامل و المداخن.

هام

مع ان اللبشة لها مميزات عديدة الا انه يجب التنويه الى ان تكاليف انشاء اللبشة تفوق عادة تكاليف انشاء الأساسات العادية ، و بالتالي ( قبل اقرار استعمال اللبشة ) لابد من التأكد أولا بعدم صلاحية استعمال الأساسات العادية سواء كانت منفردة أو شريطية بحيث لا تستخدم اللبشة ( الحصيرة ) الا في حالات الضرورة المذكورة أعلاه .

طريقة عمل اللبشة المسلحة :-

تتم حسب الخطوات التالية:

1) تنتهي أعمال الحفر بالمناسيب المطلوبة وباتساع اللبشة العادية مع ضمان الوصول إلى منسوب التربة المطلوبة للتأسيس .

2) تصب الخرسانة العادية للفرشة أو اللبشة الأولى بالسمك والمواصفات الواردة وذلك على طبقات لا تزيد عن 20سم مع الدك جيداً والرش الغزير بالماء لمدة 3 أيام بعد 24ساعة من الصب .

3) يتم تحديد اللبشة المسلحة بحائط نصف طوبة ( مصمت 6*12*25 سم )

4 ) يتم دهان الحائط من الداخل و اللبشة العادية المحصورة داخل الحائط بالبيتومين .

5 ) يتم تجهيز الأوتار من الخرسانة العادية بسمك 7 سم كغطاء خرساني .

6 ) تسلح اللبشة المسلحة حسب الرسومات ويكون تسليحها غالباً من شبكتين علوية وسفلية لمقاومة جهد الشد في سطحيها العلوي والسفلي مع عمل كراسي حديدية ( بأقطار لا تقل عن قطر الحديد المستخدم في الشبكتين ) لتحمل الأوتار و الشبكة العلوية وتثبيتها على الارتفاع المطلوب .

7 ) يتم عمل أشاير الأعمدة و الحوائط مع الشبكة العلوية و التي يكون طولها طول رباط 65 فاي أو 1 م أيهما أكبر .

8) تحدد جوانب اللبشة المسلحة بجوانب شدات خشبية مثل القواعد المسلحة المنفصلة

  

9) تصب الفرشة المسلحة بالنسب والمناسيب والأسماك حسب الطلب مع مراعاة تغطية جميع حديد التسليح بالخرسانة.

10 ) مراعاة عمل كفر ( غطاء خرساني ) من 5سم -7 سم بواسطة الأوتار و البسكويت .

11) ترش اللبشة رشاً غزيراً بالماء 3 أيام بعد 24 ساعة من صبها.

....................

تسليح اللبشة المسلحة :

التسليح عبارة عن شبكتين سفلية وعلوية ..

الحديد الاضافي :

- الحديد الاضافى العلوي في منتصف البحر ..

- الحديد الاضافي السفلي عند الاعمدة ..

الوصلات :

- في الشبكة السفلية تكون وسط البحر .

- في الشبكة العلوية يكون عند الأعمدة .

..................

الاوتار

بنعمل وتر اولا قبل الرص

الاوتار السفلية دي بتشيل الرقة السفلية وبتخليها مش ملامسة للخرسانه العادية .. وده عشان تحقق ال cover السفلي

دي بتكون من الخرسانة او من الطوب الاسمنتي

الاوتار العلوية اسياخ حديد بتتحط على الكراسي وبيتشد عليها الفرش بتاع الرقة العلوية في اللبشة

ومش بتتحسب من ضمن الشبكة العلوية

فيه ناس بتعمل الاوتار السفلية من الطوب الاحمر وده غلط

لأن الطوب الأحمر تماسكه ضعيف مع الخرسانه عكس الطوب الاسمنتي بالاضافه لأنه مش مصنوع عشان يتعرض للرطوبة العالية الموجودة في باطن الارض وبالتالي هيسرب الرطوبة دي داخل اللبشة وهيأدي لصدأ حديد التسليح

رص الحديد التسليح للفرش على ان يكون عدد الاسياخ فى المتر لاتقل عن 8 اسياخ 

و يجب ان تكون الوصلات تبادلية سيخ و سيخ حتى لاتعتبر نقطة ضعف في التسليح اذا كانت الوصلات على خط واحدة .

بعد مخلصنا الرقه السفليه من فرش وغطا بنعمل كراسى

 حساب طول الكرسى

مثال :اذا كان ارتفاع القاعد 1 متر يساوى 100 سم نخصم 7 سم فوق و7 سم تحت وهو سمك الغطاء الخرسانى ويكون الباقى 86 سم ويكون قطر الحديد 20 مم يعنى 2 سم للفرش و2 سم للغطاء تحت و2 سم للفرش و2 سم للغطاء فوق ويكون الباقى 78 سم وهذا هو ارتفاع الكرسي لقاعده ارتفاعها متر وعرض الكرسي 1 متر ويكون عند ارجل الكرسي كعب طوله 30 سم فى اتجاهين مختلفين مما يعنى نقوم بقطع سيخ طوله 78 + 30 + 30+1 = 238 سم للكرسي الواحد ونقوم بوضع كل متر كرسي فى الطول وكل نص متر للعرض فاذا كان الخزان بطول 45 متر وبعرض 30 متر فاننا نحتاج الى 900 كرسي للخزان

ملاحظات هامة :

- طول الوصلة يكون 65 فاي أو 1 متر أيهما أكبر ( طبقا للكود المصري ) .

- استمرار كانات الأعمدة داخل اللبشة يساعد على مقاومتها للزلازل

 طريقة استلام اللبشة :

1- المسافات بين الاوتار لا تزيد عن متر ونصف .

2- تستلم بالشريط عدد الاسياخ فى المتر للرقتين فرش وغطا .

3- تستلم اماكن وصلات الرقة السفلية والعلوية وطول الوصلة  طبقا للكود المصري .

4- الوصلات في التسليح تتاكد انها تبادلية مرة ومرة .

5- التأكد من عدم وجود مياه فى الموقع .

6- التربيط لازم يكون ملو يعني كله متربط او على الاقل واحدة و واحدة .

7 - الحديد الاضافي باطواله ومكانه الصحيح فوق وتحت .

8 - تستلم اكسات الاشاير وتحطيطها مظبوط . وده من الخنزيره بشد الاكسات للاعمده واجى من الاكس بميزان الزومبه انزله واحط نقطه واعرف مكان العامود وارشه باسبراى او اى شيئ اخر واول منحط الفرش والغطا احط كانه فى مكان العمود وابدا اشتغل

الخوازيق المتداخله

الخوازيق المتداخله

تستخدم هذه الطريقه فى حالة ما اذا كان منسوب المياه

الجوفيه للجار اعلى من منسوب الحفر .

 يجب ان تكون مسافة التداخل z لاتقل عن 15 سم

البنتونيت لا يوجد بيه تسليح ولا يستطيع تحمل قوى الاجهادات الافقيه للتربه وانما يعمل فقط كسداده 

لمنع تسرب المياه من تحت الجار 

مهندس // مصطفى عبد السميع

الخوازيق المتلاصقه

الخوازيق المتلاصقه

1 تستخدم هذه الطريقه فى حالة التربه الضعيفه مثل الطين
الناعم او التربه غير المتماسكه مثل الرمل .
-2 لا بد ان يكون منسوب المياه الجوفيه اسفل منسوب الحفر .
-3 يسمح الكود المصرى بترك مسافه بين الخوازيق بحيث لا
تزيد هذه المسافه عن 10 سم

تحياتى مهندس // مصطفى عبد السميع